कार्यवाही सिंदूर

सोडा धर्म नसाल मुस्लिम तरी, मुस्लीम व्हा या इथे
जा सांगा घडले जसे तसतसे, मोदीस हे ऐकवा ।
ऐसे बोलुन मारले धडधडा, सव्वीस निःशस्त्र ते
भीतीने भरला पुरा मुलुख तो, वर्चस्व आवाहिले ॥ 

मोदींनी सगळा प्रकार तिथला, निर्भत्सिला पूर्ण तो
देऊ त्यां असला धडा खचितची, त्यांनी नसे कल्पिला ।
पुन्हा कोणि न साहसा करु शको, या भारता त्रासते
केली सर्वच योजना, दहशती ढाचाच तो ध्वंसण्या ॥ 

एके रात्रि नऊ स्थळी धडकली, अस्त्रेच सीमेतुनी
ध्वंसीली सगळी स्थळे दहशती, पूरा कणा मोडला ।
पाकीस्तान तयास मानुन खरा, हल्लाच भूमीवरी
शस्त्रास्त्रे परजून सर्व लढला, या भारती भूमिशी ॥ 

त्याचे एकहि अस्त्र येउ न दिले, सारीच ती ध्वंसिली
ही सारी किमया असे उमजत्या, संवेदि तंत्रांचि ती ।
देता तो प्रतिसाद त्यास असला, सेनाहि ती धावली
बारा वायुतळे निखंदलि पुरी, आकाश संरक्षिले ॥ 

त्या कार्या मिनिटांत तेविस दिली सिद्धी, जगा दाविले ।
जाई तोच लयास जो गणतसे, मा भारतीला उणे ॥     

नरेंद्र गोळे २०२६०५०७