ब्लॉग माझा स्पर्धा- २०१२: निकाल जाहीर

‘एबीपी माझा’च्या ‘ब्लॉग माझा’ स्पर्धेच्या चौथ्या पर्वाचे निकाल जाहीर करण्यात आलेले आहेत. मराठी ब्लॉगर्सना व्यासपीठ मिळवून देणारी ‘ब्लॉग माझा’ ही मराठीतली एकमेव अभिनव स्पर्धा आहे. ब्लॉगसारख्या माध्यमातील मराठीला, मराठी लेखनाला व मराठी सृजनशीलतेला दाद देण्याचा उपक्रम म्हणजे ‘ब्लॉग माझा’! यंदाही या उपक्रमाला मराठी ब्लॉगर्सनी मोठा प्रतिसाद दिला. या स्पर्धेचे परिक्षक असणारे दै. ‘महाराष्ट्र टाइम्स’चे संपादक श्री. अशोक पानवलकर, मराठी अभ्यास केंद्राचे संचालक श्री. दीपक पवार आणि युवा नाटककार व लेखिका इरावती कर्णिक यांच्या समोर दीडशेहून अधिक आलेल्या ब्लॉग्जमधून फक्त पंधरा ब्लॉग्ज निवडण्याचं आव्हान होतं. हीच निवड ह्या निकालाद्वारे व्यक्त होत आहे. 

(प्रथम पसंतीचे पाच ब्लॉग्ज आणि उत्तेजनार्थ दहा ब्लॉग्ज हे दोनच गट आहेत. या गटातील क्रमवारी म्हणजे गुणानुक्रम नाही.)

प्रथम पसंतीचे पाच ब्लॉगर्स आणि त्यांचे ब्लॉग

अक्र	अनुदिनी	अनुदिनी लेखक/लेखिका
१	मृगतृष्णा	सुलक्षणा लक्ष्मण
२	भुरटा	सागर पाटील
३	नरेंद्र गोळे	नरेंद्र गोळे
४	इंद्रधनू	विद्या कुलकर्णी
५	स्मॉल वंडर्स बाय युवराज गुर्जर	युवराज गुर्जर

उत्तेजनार्थ निवडलेले दहा ब्लॉगर्स आणि त्यांचे ब्लॉग

अक्र	अनुदिनी	अनुदिनी लेखक/लेखिका
१	रेघ	अवधूत
२	रानमोगरा	गंगाधर मुटे
३	तहानलेले मनमाड	प्रशांत रोटवदकर
४	आय थिंक	तन्मय कानिटकर
५	कथा ना व्यथा	रोहन जगताप
६	प्राजक्त	प्रसाद इनामदार
७	मनातलं जनात, ब्रिजेश उवाच	ब्रिजेश मराठे
८	टॅलीनामा !	एकनाथ मराठे
९	श्रेया	श्रेया महाजन
१०	बारमाही माणगंगा	विजय लाले

नुकताच श्री.प्रसन्न जोशी, ए.बी.पी.माझा ह्यांनी ई-मेलद्वारे वरील निकाल कळविलेला आहे.

सर्व विजेत्यांचे मनःपूर्वक अभिनंदन!

ए.बी.पी. माझाच्या संकेतस्थळावरील निकालाची घोषणा

श्री.प्रसन्न जोशी आणि ए.बी.पी.माझा वाहिनी ह्यांना माझे हार्दिक धन्यवाद!
मराठीत अनुदिनीलेखनास प्रोत्साहन देण्याचे काम ते गेल्या चार वर्षांपासून करत आहेत. त्यामुळे महाजालीय मराठी साहित्य लेखकांना, मुद्रित माध्यमांतील लेखनाच्या तोडीस तोड ठरेल असे साहित्य निर्माण करण्याची उमेद निर्माण होत आहे, ही आनंदाची गोष्ट आहे!