पपईच्या फांद्यांवर मारतांना उड्या
थांब थांब पाहू दे पिसारा जरा
क्षणात इथे होता, क्षणात तिथे कसा
जरा कुठे फांदीवर विसावे नव्या
बस जरा इथे, ध्यास नवा का हवा
टुणटुण इथेतिथे भराभरा उडे
थांब उडू नको, जरा नजर ठरू दे
कसा आहेस? ठीक ना?
विचारायच्या आत, भुरकन उडाला
गेला आकाशात!
नरेंद्र गोळे २०२११११०
कोणत्याही टिप्पण्या नाहीत:
टिप्पणी पोस्ट करा
काय नुसते वाचता प्रतिसाद द्या
हातची राखून द्या पण दाद द्या
आंधळ्यांची दिव्यदृष्टी व्हा तुम्ही
अन् मुक्यांना नेमके संवाद द्या
जीव कासावीस झाला आमुचा
मूळचे नाही तरी अनुवाद द्या
कालची आश्वासने गेली कुठे?
ते पुन्हा येतील त्यांना याद द्या
वेगळे काही कशाला ऐकवा?
त्याच त्या कविताच सालाबाद द्या
एवढा बहिरेपणा नाही बरा,
हाक कोणीही दिली तर साद द्या
गोरगरिबांना कशाला भाकरी?
गोरगरिबांना अता उन्माद द्या
व्हायचे सैतान हे डोके रिते,
त्यास काही छंद लावा नाद द्या
- नामानिराळा, मनोगत डॉट कॉम २००५०६१४